«Кепiлдiк мiндеттеме (түпкiлiктi пайдаланушының сертификатын) беру» мемлекеттiк көрсетілетін қызметінің стандартын Қазақстан Республикасы Инвестициялар және даму министрлігі әзірледі.
      Мемлекеттiк қызметті Министрлiктің Индустриялық даму және өнеркәсiптiк қауiпсiздiк комитетi (бұдан әрi - көрсетілетін қызметті беруші) көрсетедi.
      Өтінішті қабылдау және мемлекеттік қызмет көрсету нәтижесін беру:
      көрсетілетін қызметті берушінің кеңсесі;
      Қазақстан Республикасы Инвестициялар және даму министрлігі Байланыс, ақпараттандыру және ақпарат комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрi - ХҚО); 
      «электрондық үкiметтiң» www.egov.kz, www.elicense.kz веб-порталы (бұдан әрi - портал) арқылы жүзеге асырылады.

 

 

Мемлекеттік қызметті көрсету тәртібі және мерзiмi:

 

      Мемлекеттiк қызмет көрсету мерзiмi құжаттар топтамасы тапсырылған сәттен бастап ХҚО-ға - 20 жұмыс күні (Астана қаласында орналасқан - 10 жұмыс күні.       

      Мемлекеттiк көрсетiлетiн қызметтiң нысаны - электрондық (ішінара автоматтандырылған) және (немесе) қағаз түрiнде.

      Мемлекеттiк көрсетiлетiн қызметтiң нәтижесi - кепiлдiк мiндеттеме (түпкiлiктi пайдаланушының сертификаты). Мемлекеттiк қызметтi көрсету нәтижесiн ұсыну нысаны: қағаз түрiнде. 
     Мемлекеттiк көрсетілетін қызмет заңды және жеке тұлғаларға  тегiн көрсетiледi.
     Көрсетiлетiн қызметтi алушының (не оның өкілінің) жүгінуі кезінде мемлекеттiк көрсетілетін қызметті көрсетуге қажеттi құжаттар тiзбесi ХҚО-ға:
      осы мемлекеттік көрсетілетін қызмет стандартына 1-қосымшаға сәйкес өтiнiш; 
      жеке басын куәландырылатын құжат және өкілдің өкілеттігін куәландыратын құжат (тұлғаны сәйкестендіру үшін);
      осы мемлекеттік көрсетілетін қызмет стандартына 2-қосымшаға сәйкес импорттаушының (түпкi пайдаланушының) кепiлдiк мiндеттемесi;
      сыртқы сауда мәмілесіне қатысушылар арасындағы шеттету құжаты немесе сату-сатып алу шартының (келісімшарттың) көшірмесі;
      егер көрсетілетін қызметті алушы ретінде делдал шығатын болса, импорттаушы мен түпкілікті пайдаланушы арасындағы сату-сатып алу шартының (келісімшарттың) немесе өзге шеттету құжаты көшірмесі.
      Ұсынылған құжаттар көшірмелерінің әрбір парағы көрсетілетін қызмет берушiнің қолтаңбасымен және мөрімен куәландырылған болуы тиіс не құжаттардың көшірмелері тігілген және олардың соңғы беттері көрсетілетін қызмет берушiнің қолтаңбасымен және мөрімен куәландырылған болуы тиіс.

«Азаматтық хал актілерінің жазбаларын қалпына келтіру» мемлекеттік көрсетілетін қызметі «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны  арқылы жүзеге асырылады.

Мемлекеттік қызмет көрсету мерзімдері- күнтізбелік 15 (он бес) күн (қабылдау күні мемлекеттік қызмет көрсету мерзіміне кірмейді), басқа мемлекеттік органдарға сұрау салу және қосымша зерделеу немесе тексеру қажет болған кезде - көрсетілетін қызметті алушыны қарау мерзімі ұзартылған кезден бастап 2 (екі) жұмыс күні ішінде хабардар ете отырып, күнтізбелік 15 (он бес) күннен аспайтын уақытқа ұзартылады.

Мемлекеттік қызмет ақылы/тегін көрсетіледі.

Азаматтық хал актілерінің жазбаларын қалпына келтіруге байланысты куәліктер берілгені үшін 0,5 айлық есептік көрсеткіш мөлшерінде мемлекеттік баж алынады. Мемлекеттік баж сомасы «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексінде (Салық кодексі) белгіленген мөлшерлемелер бойынша есептеледі және заңдық түрде маңызы бар іс-әрекеттер жасалған және (немесе) уәкілетті мемлекеттік органдар немесе лауазымды адамдар құжаттар берген орны бойынша есепке алынады.

Азаматтық хал актiлерiн тiркеу кезiнде мыналар:

1) Ұлы Отан соғысына қатысушылар және оларға теңестiрiлген адамдар, Ұлы Отан соғысы жылдары тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдар, 1941 жылғы 22 маусым мен 1945 жылғы 9 мамыр аралығында кемінде алты ай жұмыс істеген (қызмет еткен) және Ұлы Отан соғысы жылдары тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталмаған адамдар, мүгедектер, сондай-ақ бала жастан мүгедектердің ата-аналарының бірі, қорғаншылар (қамқоршылар), мемлекеттiк ұйымдар - тууы туралы куәлiктері тiркелгенi және қайта берілгенi үшін;

2) жеке тұлғалар - азаматтық хал актiлерiн тiркеу кезiнде жiберiлген қателерге байланысты туу, қайтыс болу туралы, әкесін анықтау, ұл бала асырап алу (қыз бала асырап алу) туралы актiлер жазбалары қалпына келтірілген және өздеріне куәлiктер берілгенi үшiн растайтын құжаттар ұсынған ретте мемлекеттiк баж төлеуден босатылады.

Орталықта мемлекеттік баж мөлшері мен төленген күнін растайтын төлем құжатын беретін банк мекемелері арқылы төленеді.
Орталыққа жүгінген кезде мемлекеттік қызметті көрсету үшін ұсынатын қажетті құжаттардың тізбесі:

азаматтық хал актісі жазбасын қалпына келтіру үшін:

1) осы мемлекеттік көрсетілетін қызмет стандартына 3-қосымшаға сәйкес белгіленген нысандағы өтініш;

2) жеке басын куәландыратын құжат (сәйкестендіру үшін);

3) азаматтық хал актілерін тіркеу кітаптарында акті жазбасының жоқтығы туралы жоғалтылған жазба болған жер бойынша облыстық (қалалық) азаматтық хал актілерін жазу мұрағатының анықтамасы;

4) көрсетілетін қызметті алушының және оның жақын туыстары (ата-анасы, балалары, аға-інілері, апа-сіңлілері мен қарындастары) туралы деректер толық көрсетілген өмірбаян;

5) еңбек кітапшасының көшірмесі, егер көрсетілетін қызметті алушы студент болса - оқу орнынан туған күні мен жері көрсетілген анықтама (бар болса);

6) егер көрсетілетін қызметті алушы әскери міндетті болса, әскери билеттің көшірмесі (бар болса);

7) көрсетілетін қызметті алушының 3*4 мөлшердегі екі фотосуреті;

 8) мемлекеттік бажды бюджетке төлегенін растайтын құжат немесе салық жеңілдіктерін беруге негіз болып табылатын құжат.

Егер азаматтық хал актілерін тіркеу 2008 жылға дейін жүргізілген болса, мынадай құжаттардың:

9) егер некеде (ерлі-зайыптылықта) тұрған болса, неке қию (ерлі-зайыптылық) туралы куәлігінің;

10) егер бар болса, балалардың тууы туралы куәліктерінің;

11) ата-анасының жеке басын куәландыратын құжат (жеке басты сәйкестендіру үшін) не ата-анасының қайтыс болуы туралы куәлігінің;

12) ата-анасының неке қию (ерлі-зайыптылық) туралы куәлігінің (егер бар болса);

13) көрсетілетін қызметті алушының өкілі жүгінген кезде нотариалды куәландырылған сенімхаттың;

14) егер көрсетілетін қызметті алушы зейнеткер болса, зейнеткер куәлігінің (орталыққа жүгінген кезде мәліметтер тиісті мемлекеттік ақпараттық жүйелерден халыққа қызмет көрсету орталықтарының ақпараттық жүйесі арқылы ЭЦҚ-мен куәландырылған электрондық құжат нысанында түседі) көшірмесі ұсынылады.

Көрсетілетін қызметті алушының жеке басын куәландыратын құжаттар туралы мәліметтерді, сондай-ақ егер тіркеу 2008 жылдан кейін жүргізілген болса, азаматтық хал актілерін тіркеу туралы куәліктерді көрсетілетін қызметті беруші немесе орталық қызметкері тиісті мемлекеттік ақпараттық жүйелерден мемлекеттік органдардың уәкілетті тұлғаларының ЭЦҚ-мен куәландырылған электронды құжаттар нысанында алады.

«Өнімді Қазақстан Республикасының аумағынан тыс жерде өңдеуге рұқсат беру» мемлекеттiк көрсетілетін қызметінің стандартын Қазақстан Республикасы Инвестициялар және даму министрлігі әзірледі.

    Мемлекеттiк қызметті Министрлiктің Индустриялық даму және өнеркәсiптiк қауiпсiздiк комитетi көрсетедi.

Өтінішті қабылдау және мемлекеттік қызмет көрсету нәтижесін беру:

көрсетілетін қызметті берушінің кеңсесі;

Қазақстан Республикасы Инвестициялар және даму министрлігі Байланыс, ақпараттандыру және ақпарат комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрi - ХҚО); 
«электрондық үкiметтiң» www.egov.kz, www.elicense.kz веб-порталы арқылы жүзеге асырылады.

 

Мемлекеттік қызметті көрсету тәртібі және мерзiмi:

көрсетілетін қызметті берушіге, ХҚО-ға құжаттар топтамасы тапсырылған, сондай-ақ порталға өтініш берілгін сәттен бастап - 15 жұмыс күн;

Мемлекеттiк көрсетiлетiн қызметтiң нысаны - электрондық және (немесе) қағаз түрiнде.

Мемлекеттiк көрсетiлетiн қызметтiң нәтижесi - өнімді Қазақстан Республикасының аумағынан тыс жерде өңдеуге рұқсат.

Мемлекеттiк қызметтi көрсету нәтижесiн ұсыну нысаны: электрондық.

Мемлекеттiк көрсетілетін қызмет заңды және жеке тұлғаларға  тегiн көрсетiледi.

 

ХҚО-ға:

-осы мемлекеттік көрсетілетін қызмет стандартына 1-қосымшаға сәйкес өтiнiш;
-жеке басын куәландырылатын құжат және өкілдің өкілеттігін куәландыратын құжат (тұлғаны сәйкестендіру үшін);

-осы мемлекеттік көрсетілетін қызмет стандартына 2-қосымшаға сәйкес мәлiметтер нысаны.
-өнiмдi қайта өңдеуге арналған сыртқы шарттың (келiсiмшарттың) көшiрмесi;
-тиiстi құзыреттi уәкiлеттi мемлекеттiк органның тауарларды аумақтан тыс жерде және iшкi тұтыну үшiн қайта өңдеу шарттары туралы құжаттың көшiрмесi.

Егер қайта өңдеу мақсаты жөндеу болып табылса, көрсетiлген құжатты ұсыну талап етiлмейдi.
      Ұсынылған құжаттар көшірмелерінің әрбір парағы көрсетілетін қызмет берушiнің қолтаңбасымен және мөрімен куәландырылған болуы тиіс не құжаттардың көшірмелері тігілген және олардың соңғы беттері көрсетілетін қызмет берушiнің қолтаңбасымен және мөрімен куәландырылған болуы тиіс.
      ХҚО қызметкерi, егер Қазақстан Республикасының заңдарында өзгеше көзделмесе, мемлекеттік қызметті көрсету кезінде көрсетілетін қызметті алушының ақпараттық жүйелердегі заңмен қорғалатын құпияны құрайтын мәліметтерді пайдалануға жазбаша келісімін алады;
      ХҚО арқылы қабылданған кезде көрсетілетін қызметті алушыға тиісті құжаттардың қабылданғаны туралы қолхат беріледі. 
      ХҚО-та көрсетілетін қызметті алушыға дайын құжаттарды беру қолхат негізінде, жеке куәлікті (немесе нотариалдық куәландырылған сенімхаты бойынша оның өкілі) көрсеткен кезде жүзеге асырылады.
      ХҚО нәтижесін бір ай бойы сақтауды қамтамасыз етеді, содан кейін оны одан әрі сақтау үшін көрсетілетін қызметті берушіге береді. Көрсетілетін қызметті алушы бір ай өткеннен кейін ХҚО-қа дайын құжаттарды алу үшін өтініш жасаған кезде ХҚО-ң сұрауы бойынша көрсетілетін қызметті беруші көрсетілетін қызметті алушыға беру үшін дайын құжуттарды бір жұмыс күні ішінде ХҚО-қа жолдайды.

 

 

Адресную справку на членов семьи можно получить на Egov.kz. Реализовали на Еgov.kz сервис получения адресной справки на детей и супругов.

Получение адресной справки на ребенка через портал "электронного правительства" особенно удобно для родителей, чьи дети в этом году идут в школу. Так как адресная справка входит в перечень документов, обязательных к предъявлению для зачисления в первый класс. 

Чтобы получить справку в электронном виде, нужно зарегистрироваться на Еgov.kz, иметь электронную цифровую подпись (ЭЦП), а также знать ИИН ребенка. При заполнении электронной заявки пользователь выбирает, на кого он получает справку, и вводит ИИН данного лица. Система устанавливает, действительно ли обладатель указанного идентификационного номера является вашим ребенком. После этого запрос заверяется ЭЦП, и через несколько секунд справка готова. 

По такому же принципу справку можно получить на имя супруга или супруги, если брак был зарегистрирован в 2008 году и позже.

Получение адресной справки является самой популярной услугой портала "электронного правительства".

 

Қазақстандықтар паспорт пен жеке куәлікті алу үшін тұрғылықты жеріндегі немесе  тіркелген мекенжайы бойынша орналасқан ХҚКО-мен қатар, еліміздің кез-келген халыққа қызмет көрсету орталығына құжат тапсыра алады.

ҚР Байланыс және ақпарат агенттігінің Электрондық қызметтерді  және  халыққа қызмет көрсету орталықтарын дамыту департаментінің директоры айтуынша, «бұл механизм ҚР Ішкі істер министрлігімен белсенді түрде талқыланып, іске асырылды. Бүгінгі күні барлық мәселелер реттелді және ХҚКО-дағы  көші-қон полициясының қызметкерлері тұрғындардан жаңа куәлік немесе паспорт рәсімдеу үшін құжат қабылдауды бастады. Бұл қызмет азаматтарымыздың уақытын және қаржылық шығындарын айтарлықтай үнемдейді, мысалы, жаңа жеке куәлік немесе паспорт алу үшін тіркеуде тұрған облысқа, ауданға барудың қажеті жоқ».

Сондай-ақ, Агенттіктің тұрғындар арасында үлкен сұранысқа ие мемлекеттік қызметтерді де тіркелген жері немесе тұрғылықты жеріне  байланыстырмай-ақ, кез-келген ХҚКО арқылы беру  мәселесін мемлекеттік органдармен бірге  қарастыруда. 

«ХҚКО»РМК ақпаратына сәйкес, еліміздің көптеген азаматтары  Халыққа қызмет көрсету орталықтарына құжаттандыру қызметін алған.

Айталық, сіз Орал қаласында немесе басқа елді мекенде тұрып  жатырсыз,  бірақ нақты уақытта Алматы қаласында жүрсіз. Сізге паспорт немесе жеке куәлік алу үшін өзіңіздің қалаңызға барудың қажеті жоқ. Паспорт немесе жеке куәлік алуға өтінімді  Алматы қаласында орналасқан кез-келген ХҚКО-на бере аласыз.

Айтып өту керек, азаматтың жеке басын куәландыратын жаңа құжатты алуға өтінімді аты-тегін ауыстырған, құжат  бүлінген, паспортты жоғалтқан, құжаттың мерзімі  өтіп кеткен және т.б. жағдайларда  тұрғылықты және тіркелген мекенжайына қатыссыз,  кез-келген ХҚКО-на беруге болады. Ал, қосымша тексеру жүргізу немесе шешім шығару қажет болған жағдайда жаңа құжат азаматтың тіркелген мекенжайы бойынша ғана беріледі.

Құжатты әзірлеу уақыты туралы ақпаратты ХҚКО-на өтінім беру кезінде біле аласыз.

Электронды түрде мекенжай анықтамасын онлайн режимінде және ХҚКО-да алуға болады.

Қызметті онлайн режимінде пайдалану  үшін электронды үкімет www.egov.kz порталындаавторлану және  "Қызметке онлайн тапсырыс беру" батырмасы бойынша өту қажет. Содан соң өтінімді толтырып және ЭЦҚ (электрондық цифрлық қолтаңбамен) қол қойып, жеке кабинете «Қызметтерді алу тарихы» тарауында өңделген анықтамамен танысып, талап етілген жерге ұсына аласыз.          Электронды үкімет порталында мекенжай анықтамасын тек жеке тұлғалар ғана ала алады. Онлайн-қызмет  2007 жылдың 13 тамызынан ерте емес кезеңде жазылған баланың тууы туралы жазба кесімі бар азаматтар үшін қолжетімді.

Қызметті ХҚКО-да алу үшін жеке тұлғалар - тұтынушының жеке басын куәландыратын құжат ұсыну қажет, заңды тұлғалар - сенімхат немесе алушы өкілінің өкілеттігін куәландыратын басқа да құжат, сондай-ақ оларға қатысты мекенжай анықтамаларына сұрау салынған жеке тұлғалардың тізімін ұсынады.Туысқандарына мекенжай анықтамаларын алу үшін:

- туысқандық байланысын растайтын (неке туралы куәлік, туу туралы куәлік) құжаттың түпнұсқасы қажет;

- осы тұлғаға қатысты мекенжай анықтамасын алушыға беру үшін алушының жақын туысқандарын (ата-аналарын, балаларын, жұбайларын) қоспағанда, жеке заңды тұлғаның нотариалды куәландырылған келісімін ұсынасыз.

Кейбір жағдайларда мекенжай анықтамасында қате немесе толық емес ақпарат берілуі мүмкін - мекенжайдың қате берілуі немесе тіркеуге тұрған күні көрсетілмейді. Бұл жағдайда мекенжай мәліметтерін түзету үшін өтінім беруші ХҚКО-ға барып, өтініш толтыруы қажет. Қажетті құжаттар: жеке басын куәландыратын құжат, азаматтарды тіркеу кітабының (үй кітабының) түпнұсқасы немесе нотариалдық куәландырылған көшірмесі. Мекенжай анықтамасындағы мәліметтер толық болмаған жағдайда (мысал ретінде - тіркеуге тұрған күн көрсетілмеген) мемлекеттік мәліметтер базасына нақтылық енгізу үшін ХҚКО-ның көші-қон қызметіне жүгіну қажет.

Қызмет  көрсету  нәтижесінде  әділет  және  ішкі істер органдарының уәкілетті адамдарының   электрондық   цифрлық  қолтаңбасы  қойылған,  немесе  мемлекеттік қызмет көрсетуден бас тарту туралы дәйекті жауап аласыз.

 

Қызмет алу барысында біз жеңіл және ыңғайлы тәсілмен, қазіргі заманғы технологияларды белсенді қолдана отырып қарым қатынас жасайтын ақпараттық дәуірге әлде қашан жеттік. Қоғаммен бірге мемлекеттік билік органдары да өзгереді, себебі олардың міндеті халықтың талаптарын қанағаттандыру, басқаша болуы мүмкін емес. Мемлекеттің қарым-қатынасы барлық деңгейде орындалуы қажет: мемлекет - азаматтар, мемлекет - бизнес және мемлекет - мемлекет, ал қызмет көрсету мүмкіндігінше бір жерде, бірыңғай электрондық порталда - электронды үкімет порталына беріледі.

Электрондық Үкіметтің іс-әрекетінің қызмет ету тетігі ақпараттық технологияларды кеңінен қолдануға негізделген және азаматтар мен ұйымдарға барынша қызмет көрсетуге бағытталған. Қысқаша айтқанда, Электрондық Үкімет дегеніміз мемлекет атқаратын барлық қызметтер мен функциялардың электронды түрі.

Электрондық Үкіметтің көмегімен Сіз:

-  мемлекеттік қызметті алу, мысалы: жеке тұлғаның жылжымайтын мүлкінің жоқ (бар) екендігі жайлы анықтама алу, баланың туылуын тіркеу, ӘЖК алу және т.б.;

- коммерциялық қызмет көмегін алу, мысалы: теміржол немесе әуебилеттерін броньдау, ұялы байланыс қызметтеріне ақы төлеу және т.б.;

- өтініш беру және лицензия алу;

- бюджеттік төлемдерді төлеу, мысалы: төлқұжат алғаны үшін, жол жүру ережесін бұзғаны үшін айыппұл, жылжымайтын мүліктің заңдастырушы құжаттарының көшірмесін алғаны үшін төлем және т.б.;

- мемлекеттік органдардың басшыларына блогтары арқылы тікелей хабарласу;

- мемлекеттік органдардың жұмысы жайлы ақпарат алу;

-  электрондық цифрлық қолтаңба (ЭСҚ) рәсімдеу;

-   кез келген мемлекеттік органнан ҚР заңнамасын түсіндіру, мемлекеттік қызмет көрсету процедурасының түсіндірмесі, қайсыбір жағдайда лауазымды тұлғаның әрекеттерінің заңдылығы және т.б сұрақтар бойынша On-line кеңес алу:.

Электрондық Үкіметтің call-орталығының телефондары арқылы сіз өзіңізді қызықтыратын сұрақтар бойынша ақпарат ала аласыз: 8-800-080-7777, 1414.

Электрондық Үкіметтің құрылуы - бұл субъективті фактордың ықпалын төмендете отырып, шенеунікті азаматтарға жақындастырудың амалы. Электронды Үкімет шенеунік пен азаматтың бетпе-бет қарым-қатынасын  виртуалды қатынасқа ұластырып, азаматтарға өз сұраныстарының шешілу жолын бақылауға мүмкіндік береді. Бұл бір жағынан Үкіметтің де, азаматтардың да, бизнес-құрылымдардың да арманы.

www.e.gov.kz - «Электрондық үкімет» порталы.