рисунок

2019 жылғы 7 қарашада Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару» Заңының 36-1 бабына сәйкес аудан әкімі Асхат Шахаровтың 2019 жылғы 7 қарашадағы №245 өкімімен Радим Қадемұлы Рахметов Бәйтерек ауданы Сұлукөл ауылдық округінің әкімі болып тағайындалды.

рисунок

2019 жылғы 6 қарашада тұтынушы құқықтарын қорғау мәселесін қаузаған басқосу өтті. "Бөлшек сауда және қызмет көрсету саласындағы тұтынушылар құқығын қорғау" тақырыбындағы басқосуға аудандық ішкі саясат бөлімінің басшысы Нұржан Дүзбатыр төрағалық етті.

рисунок

Бүгін ауданға Денсаулық сақтау министрлігі тауарлар мен қызметтердің сапасы мен қауіпсіздігін бақылау комитеті төрағасының орынбасары Нұрлыбек Асылбеков жұмыс сапармен келді.

рисунок

Бүгін Егіндібұлақ ауылында "Ақбұлақ" бағдарламасымен таза ауыз су құбыры іске қосылды. Маңызды шараға аудан әкімі Асхат Шахаров қатысып, ауыл халқының қуанышымен бөлісті.

рисунок

Бүгін Белес ауылында "Туған жерге тағзым" бағдарламасы аясында игі дәстүрді жаңғыртқан шара өтті. Белес елге белгілі азамат, "ҚазИИТУ" ғылым-білім кешенінің құрылтайшысы Ақсерік Әйтімовтың туған жері. Туған жеріне тағзым еткен ел ағасы қазақы дәстүрге сай Әмелі есімді шөбересін атасы туған топыраққа аунатып, елдің батасын алды. Меймандарды аудан әкімі Асхат Шахаров бастап жүрді.

рисунок

2019 жылғы 25 қазанда аудан активінде Бәйтерек  аудандық сотының төрағасы Роза Сариева ағымдағы жылдың 9 айында сот төрелігін атқару қорытындысы туралы ақпарат берді. Жиынға Батыс Қазақстан облыстық сотының судьясы Ғизатолла Қырықбаев арнайы қатысты.

рисунок

2019 жылғы 22 қазанда Сұлукөл ауылдық округі әкімі лауазымына үміткер тұлғалар аудандық мәслихат депутаттары алдында өз бағдарламаларын қорғады. Ресеймен шектесетін шағын округ аумағында республикаға белгілі "Жайық мұнай" ЖШС орналасқан. Сондай-ақ округте егін шаруашылығы табысты өркендеуде. Үміткер тұлғаларға мәслихат депутаттары ауылды одан әрі дамыту бағытындағы жоспарлары туралы сұрақтарын жолдап, ой бөлісті.