БАСПАСӨЗ ХАБАРЛАМАСЫ

рисунок

«Азаматтарға арналған үкімет» мемлекеттік корпорациясы Елбасының 2015 жылы қабылдаған Ұлт жоспары – бес институционалдық реформаны жүзеге асыру жөніндегі 100-ші қадамды орындады. Оған сәйкес, Канада мен Австралияның үлгісі бойынша мемлекеттік қызметтердің бірыңғай провайдеріне айналатын «Азаматтарға арналған үкімет» мемлекеттік корпорациясын құру тапсырылған болатын. 2016 жылдың сәуірінде жұмысын бастаған корпорация халыққа қызмет көрсететін барлық орталықтарды бір жүйеге интеграциялап, мемлекеттік қызметтерді бір жерден алу мүмкіндігін жасады. Сондай-ақ ұлт жоспарында мемлекеттік қызметті сапа менеджменті ISO 9000 сериясына сәйкес халықаралық сертификаттаудан өту міндеті қойылған болатын.

Бұл тапсырманы орындау мақсатында 2017-2018 жылдары сапа менеджменті жүйесінің халықаралық стандарт қағидаттарын енгізу, қызметкерлерді оқыту жұмыстары жүргізіліп, корпорация қызметі біріздендірілді.

«Азаматтарға арналған үкімет» мемлекеттік корпорациясының басқарма төрағасы Аблайхан Оспановтың айтуынша, сапа менеджментінің халықаралық сертификатын алу – көрсетілетін қызмет деңгейі өскенінің дәлелі. «Біздің басты міндетіміз – қызмет алушының көңілінен шығып, бар сұранысын өтеу. Корпорациямызға жүгінетін кез келген азамат сапалы қызмет алуы тиіс. Біз бұл бағыттағы жұмысты үнемі жетілдіріп отыратын боламыз», – дейді корпорация төрағасы.

2018 жылы «Азаматтарға арналған үкімет» мемлекеттік корпорациясы 6 млн аса электрондық цифрлық қолтаңба рәсімдеді. Бұл 2017 жылғы көрсеткішпен салыстырғанда 1,4 млн артық.

рисунок

Берілген ЭЦҚ санының артуы электронды үкімет порталын пайдаланушы азаматтардың көбейгенін білдіреді.

Бұл ретте ХҚО-дағы өзіне-өзі қызмет көрсету секторы – Connection Point арқылы азаматтардың өз бетінше алған электронды қызметтер саны 2018 жылы 12% өсіп, 12 млн құрады.

Мемлекеттік корпорацияның 2018 жылғы қорытынды есебіне сәйкес, 32 млн мемлекеттік қызмет көрсетілді, бұл 2017 жылмен салыстырғанда 17% аз көрсеткіш.

Бұл дегеніміз мемлекеттік қызметтерді халыққа қызмет көрсету орталықтарынан емес, онлайн форматта өз бетінше алатын азаматтардың саны артқан. 

Айта кетейік, 2018 жылы Алматы мен Астана қалалары, Түркістан облысының тұрғындары ең көп ЭЦҚ рәсімдеген. Мәселен, алматылықтар 803 мың, Түркістан облысындағылар 738 мың және астаналықтар 523 мыңнан аса электрондық цифрлық қолтаңба алған.

БАСПАСӨЗ ХАБАРЛАМАСЫ

«Азаматтарға арналған үкімет» мемлекеттік корпорациясының 600-ден астам қызметкері қан тапсырып, қан қорын280 литрге толықтырды. Еліміздің барлық филиалдарын қамтыған донорлық акциясы аясында халыққа қызмет көрсету орталықтарында қан алу орындары ұйымдастырылды. Сондай-ақ бірқатар қалада қан тапсыру шарасы қан орталықтарында өтті.

Ерікті түрде қан өткізуге басшылықтан бастап қызмет көрсету орталықтарының мамандарына дейін ниет білдірді. Шара барысында донорлар алдын ала дәрігер бақылауынан өтіп, денсаулық жағдайын тексертті. Көшпелі бригада лаборанттары сол жерде қан тобын нақтылап, гемоглабин көрсеткішін анықтап беріп отырды. Әр қызметкерден шамамен 350-450 мл мөлшерінде қан донацияланды.

Қызметкерлердің қатарында бірнеше рет донор атанған азаматтар да жетерлік. Солардың бірі – «Азаматтарға арналған үкімет» мемлекеттік корпорациясының Алмалы фронт-офисының қызметкері Динара Тұрғалиева. Ол соңғы он жылдың ішінде 57 рет қан тапсырып, 25 литрөткізген. Қан орталығы оған «Сенімді донор» атағын да берген.

«Денімнің саулығы маған өзге жандарға көмек көрсетуге мүмкіндік береді. Донорлықтың материалдық тұсы мені мүлде қызықтырмайды. Қаным адамның өмірін аман алып қалуға көмектескені туралы алғыс жазылған хабарламалар келгенде қуанамын», – дейді Динара.

Өзге адамның өмірін құтқарып қалуға көмектесетін шара барысында жиналған қан онкологиялық ауруханалармен өзге де медициналық мекемелерге жіберіледі. Жыл сайын елімізде донордың қан компоненттерінешамамен 80 мың адам зәру. Осылайша «Азаматтарға арналған үкімет» мемлекеттік корпорациясының қызметкерлері де бұл игілікті іске өз үлестерін қосты.

 

БАСПАСӨЗ ХАБАРЛАМАСЫ

 «Азаматтарға арналған үкімет» мемлекеттік корпорациясы халықтың цифрлық сауатын арттыру бойынша жұмыстарын жалғастыруда. Бүгінде азаматтарға электронды үкімет порталы арқылы мемлекеттік қызметтерді алуды оқытатын цифрлық ХҚО еліміздің барлық облысында ашылған. Бұған қоса халыққа қызмет көрсету орталықтарында смартфон арқылы мемлекеттік қызметтерді алуды үйрететін аймақтар ашылып жатыр.

ХҚО мамандары қызмет алушылардың телефондарына telegram  мен Mgov қосымшаларын орнатып беруге көмектесіп, түрлі анықтамалар мен қызметтерді алу ретін түсіндіріп беруде.

Бүгінде Telegram қосымшасындағы Egovkzbot арқылы 24 қызмет қолжетімді. Жүйе іске қосылған сегізайдың ішінде 140 мың адам оны қолданып үлгеріп, 160 мың рет түрлі анықтамаға өтініш берген.Мэссенджер қолданушылары 60 мың рет мекенжай, 20 мың рет соттылықтың болу/болмауы туралы анықтамаларды сұратқан.Өз кезгінде, Mgov қосымшасы арқылы 90 мемлекеттік қызметті онлайн тәртіпте алуға болады. Смартфон иелері бұл қосымшаны былтыр 1,3 млн рет жүктеп, 3,6 млн қызмет алған.

БАСПАСӨЗ РЕЛИЗІ

2018 жылғы                                                                    «28» қыркүйек Орал қ.

 01 10 18 news 1

Бүгін «Азаматтарға арналған үкімет» мемлекеттік корпорациясы Батыс Қазақстан облыстық ІІД-мен бірлесіп, Орал қаласында миграциялық қызметтер орталығын ашты.

БАСПАСӨЗ ХАБАРЛАМАСЫ

11 07 18 news 2

Биыл жыл соңына дейін 12 өмірлік жағдай бойынша 19 мемлекеттік қызмет SMS арқылы ұсынылып, проактивті қызметтер саны арта түседі.  Бұл туралы бүгін «Азаматтарға арналған үкімет» мемлекеттік корпорациясының басқарма төрағасы Абылайхан Оспанов мәлімдеді. Сондай-ақ ол мемлекеттік қызмет көрсету саласындағы проблемалық мәселелерді көтерді.

БАСПАСӨЗ ХАБАРЛАМАСЫ

2018 жылғы «26» маусым                                                                                          Астана қ.

29 06 18 news 1 

«Азаматтарға арналған үкімет» мемлекеттік корпорациясы ҚР ІІМ және «Ұлттық ақпараттық технологиялар» АҚ-мен бірлесіп, электрондық үкімет порталында жаңа сервисті пилоттік режимде іске қосты. Енді қазақстандықтар автокөліктерін онлайн тәртіпте тіркей алады.