Елбасының «Болашаққа бағдар: рухани жаңғыру» мақаласында көрсетілген «Туған жер» бағдарламасы аясындағы «Туған жерге тағзым»  жерлестер форумы ауданымыздың әр ауылында кеңінен аталып өтуде. Ауылдастарды бірлікке шақырып, көпшілкке мереке сыйлаған форум Белес округінде де жалғасын тапты.

Әр жылдары ауылда еңбек етіп, осы ауыл мектебін аяқтаған, қазіргі таңда басқа жақта біраз жетістікке жеткен белестіктердің форумы дөңгелек үстелмен ашылды. Кешегі мен бүгіннің диалогындай болған шарада азаматтар ауылдың өткені мен бүгіні жайында сөз қозғап, туған жеріне деген сағыныштарын жеткізді. Одан әрі, жерлестер ауыл балабақшасының жанына тал егіп, естеліктерін қалдырды. Белестегі жерлестер форумының басқа ауылдардағыдан тағы бір ерекшелігі ауыл кәсіпкерінің қолдауымен орнатылған «Менің жүрегім Белес» атты конструкцияның ашылуы болды.  Өңіріміздің біраз ауданында ашылған әдемі конструкция ауданымыздың ешбір ауылында жоқ. Белесті де сол бір шағын ескерткіші  ерекшелеп тұратын болады енді. Жастардың ауылына деген махаббатын оятын патриоттыққа тәрбиелеу мақсатында орнатылған әдем конструкция ашылуында ауыл әкімі Бекзат Бадақов, ескерткішті тұрғызуға қол ұшын берген «Имағамбетов» шаруа қожалығының басшысы Амангелді Имағамбетов пен Белес мектебіннің түлегі «Болашақ» бағдарламасы бойынша білімін жетілдіріп келген дәрігер-хирург, қазіргі таңда облыстық наркологиялық диспансер директорының орынбасары Тимур Мырзахметовтер сөз сөйлеп, осындай шараға қатысып жатқанына қуанышты екендіктерін жеткізп, ауыл азаматтарын өткен тұңғыш президент күні мерекесі мен келе жатқан тәуелсіздік күнерімен құттықтады. Одан әрі ауыл көркемөнераздарының концертіне ұласқан форумда да белестіктерді аудандық «Ауыл тынысы» газетінің редакторы Нұржан Дүзбатыров, ауылда қырық жыл ұстаздық еткен Белес мектебінің директоры болған еңбек ардагері Светлана Тұрғалиева, «Ерлан» ШҚ-ның басшысы, ауыл мектебінің алғашқы түлегі Рашид Жақсымбетов сияқты азаматтар құттықтап, биыл бастау алған ауылдастар форумының жас ұрпақты тәрбиелеудегі маңызы зор екендікерін айтты. Әр жылдары ауыл мектебін аяқтап кеткен азаматтардың басын бір тоғыстырып, ауылға бір мереке сыйлаған форум көпшіліктің көңілінен шықты.

 

2017 жылдың 07 желтоқсаны күні Переметный ауылдық округінде «Туған жерге тағзым» атты форуым оздырылды. Форумға ауылдық округтің елді-мекендерінде дүние есігін ашып, білім алған, қазіргі таңда өз ісінің майталмандары болған тұлғалар арнайы шақырылды. Алдымен форумға келген қонақтарымыз «Жеңіс» саябағындағы мәңгілік алауға гүл шоқтарын қоюдан бастады. Қ.Аманжолов атындағы ЖОББ мектебіндегі өлке тану мұражайын тамашалап, аудандық кітапханасының дайындаған «Тарихыңды таны, тұлғаңды құрметте» атты кітап көрмесімен танысты. Переметный ауылдық округі туралы бейне ролик көрсетіліп, форумды құттықтау сөзімен ашқан Переметный ауылдық округінің әкімі А.Ж.Джумакулов форумға қатысқан ауыл тұрғындарына алғыс білдіріп, округтің көркеюіне үлес қосуға шақырды. Форум қонағы болып арнайы келген аудандық мәслихат хатшысы Р.Т.Исмагулов ҚР Президенті Н.Ә.Назарбаевтың 2017 жылғы 12 сәуірдегі «Болашаққа бағдар: рухани жаңғыру» мақаласын форум қатысушыларына кеңінен түсіндіріп өтті. Мектеп директорлары «Болашаққа бағдар: рухани жаңғыру» мақаласы бойынша мектептерде атқарылып жатқан жұмыстармен таныстырып өтті. Ал Киров негізгі мектебінің директоры Г.Б.Калиева арнайы форумға дайындаған бейне ролигін көрсетіп, форум тақырыбында баяндама жасады. Форум соңы аудандық мәдениет үйінің өнерпаздарының дайындаған концерттік бағдарламасына ұласты.

 

Ұлт Көшбасшысы өзінің «Болашаққа бағдар: рухани жаңғыру» мақаласында ұлт мақтаныштарын насихаттау мақсатында «100 жаңа есім» жобасын іске асыруды ұсынды. Жоба туралы Елбасы: «Қазақстандағы «100 жаңа есім» жобасы — Тәуелсіздік жылдарында табысқа жеткен, еліміздің әр өңірінде тұратын түрлі жастағы, сан алуан этнос өкілдерінің тарихы», — деп атап өтті.

Біз кейде аяқ астынан орын алатын жағдайларға дайын болмай жатамыз. Ал тосыннан шешім қабылдау, әсіресе адам өміріне араша түсу өз маманының шеберлері ғана тәуекел ететін іс. Қысыл-таяң шақта өте шебер шешім қабылдап, елдің ықыласына бөленген жандар арамызда баршылық. Солардың бірі — Зеленов аудандық орталық ауруханасының учаскелік мейірбикесі Елена Шушлебина.  Елена Сергеевна 1988 жылы қыркүйек айында Зеленов ауданы Переметный ауылында дүниеге келген. 2009 жылы Батыс Қазақстан медициналық колледжінен «Акушерлік ісі» мамандығын тәмамдаған. Әріптестерінің арасында сыйлы, өзіне жүктелген міндетті тыңғылықты атқара білетін Елена ана мен бала өміріне араша түсу арқылы өз шеберлігі мен мамандығына деген адалдығын танытты. Оқиға былай болған. Тасқала ауданындағы ағайындарына қонаққа келген Роза есімді 35 жастағы Ақтөбе қаласының тұрғыны айы-күні жетіп толғатады. Таңмен толғағы қысқан әйелді туыстары облыстық перинаталдық орталыққа жеткізуді ойлап, жолға шыққан. Алайда Переметный ауылынан 8 шақырым жерде толғағы жиілеп, босанатын уақыты жақындағанын байқаған әйелдің туыстары жедел жәрдем шақырады. Ағымдағы жылдың 19 шілде күні сағат 11:20-да Орал-Тасқала күре жолының бойында жүкті әйелдің толғатып жатқандығы жөнінде Зеленов аудандық ауруханасына хабар түседі. Акушер-гинеколог дәрігердің еңбек демалысында болуына байланысты босану бөлімінен тәжірибесі бар, учаскелік мейірбике Елена Шушлебина жедел жәрдем тобымен тиісті жерге жіберіледі. Тезірек іске кірісікен Елена жүкті әйелдің медициналық алмасу картасынан бесінші жүктілігі екенін көреді. Оны тексеру барысында баланың теріс келіп тұрғанын анықталады, яғни медицина тілімен айтқанда «паталогия». Мұндай жағдайда босандыру  дәрігердің қатысуымен өтуі керек. Өйткені тек дәргер ғана қажет болған кезде манипуляция немесе ота жасауға шешім қабылдайды. Тосын оқиғада Елена Сергейқызы босаңсымай, әйелді тыныштандырып, қолдау білдіреді. Роза аман-есен сағат 12:40-та қыз баланы дүниеге әкеледі. Мейірбикенің өмірінде бұл жағдай алғаш рет орын алған. Оның батылдығы мен біліктілігінің арқасында босану асқынусыз өткен. Санаулы минуттардан кейін дендері сау ана мен сәбиі Переметный ауылындағы орталық ауруханаға жеткізілді. Ерлігі ескерілген Елена «Қазақстандағы «100 жаңа есім» жобасының жеңімпазы ретінде Астана қаласында Елбасының қатысуымен өтетін салтанатты шараға аттанды.

 

Осы аптада Көшім ауылдық округі Үлкен Шаған мектебінде Елбасының «Болашаққа бағдар: рухани жаңғыру» бағдарламалық мақаласындағы тапсырмаларды жүзеге асыру мақсатында «Рухани жаңғыру – жастар жолы» тақырыбында жастар басқосуы өтті.

 Аудандық жастармен жұмыс жөніндегі ресурстық орталықтың ұйтқы болуымен өткен шараға каратэ-додан әлемнің үш дүркін чемпионы, «Қазақстандағы 100 жаңа есім» жобасының қатысушысы, Белес мектебінің 11 сынып оқушысы Аида Имақанова, Халықаралық «Бурабай-2017» спорттық жарысының қола жүлдегері, спорттық бағдарлаудан ұлттық құрама мүшесі, ҚР чемпионатының күміс жүлдегері, облыстық спорттық бағдарлау спортының абсалюттік чемпионы Естай Кенгесбаев арнайы шақырылған. Сондай-ақ жас таланттарды өнерге баулудың шебері, белгілі бапкер, аудандағы жас туристер станциясы спорттық бағдарлау бөлімінің меңгерушісі Серік Хайруллин мен Янайкин ауылдық клубының меңгерушісі, талай шәкіртін дәстүрлі ән-күй әлеміне қанаттандырған Мирас Шамашевтар келіп, жаңғыру тақырыбында ой бөлісті. 

Аудандық мәдениет үйі ұжымының «Туған жерге тағзым» атты есептік концерті өтті. Алдымен аудандық мәдениет, тілдерді дамыту, спорт және дене шынықтыру бөлімі басшысының міндетін атқарушы Манарбек Ажкеновке сөз берілді. Елбасының «Болашаққа бағдар: рухани жаңғыру» мақала аясында ұйымдастырылған іс-шараның маңыздылығына тоқталған ол жұртшылықты өнер мерекесімен құттықтап, аудан көркемөнерпаздарының алдағы уақытқа жоспарлаған шараларына тоқталып өтті. Одан әрі сахна сәнін келтірген өнерпаздар туған жер, Отан туралы әндер шырқап, әсем бимен көрермендердің қошеметіне бөленді. Әсіресе, Гүлдана Мағзумова «Туған өлке» әнін шебер орындаса, «Іңкәр» би тобының «Сон повора» биі көпшілікті таң қалдырды. Халықтық «Шежіре» фольклорлық ансамблінің орындауындағы туындылар көрермен көңілінен жол тапты. Өнер кеші «Қазақстаным, елім» әнімен қорытындыланды.

 

Елбасы, ұлт көшбасшысы Н.Ә. Назарбаевтың «Болашаққа бағдар: Рухани жаңғыру» мақаласының «Туған жер» бағдарламасы аясында Егіндібұлақ ауылында «Туған жерге тағзым» атты жерлестер форумы өтті.

Ауыл азаматтарының бас қосып, туған өлкесін абаттандырудың жолдарын ойласуына мүмкіндік жасаған кездесуге «Нұр Отан» партиясы аудандық филиалы төрағасының бірінші орынбасары Тілекбай Төлепқалиев, ауылдық округ әкімінің міндетін атқарушы Тілекқабыл Қожағалиев және қазіргі таңда аудан орталығы мен Орал қаласында тұрып жатырған түрлі салада ауыз толтырып айтар жетістікке жеткен Виктор Железнов пен Елена Фадина келді.  Алдымен жиналғандарды Тілекбай Қажымұратұлы құттықтап, ауыл тұрғындары мен ауылдан көшіп кеткен азаматтардың арасындағы көпір іспеттес боп тұрған осындай форумдардың берері мол екендігін айтса, -Егіндібұлақ ауылы алақандай болғанымен Алатаудай тұлғаларымен шоқтығы бөлек, мерейі асқақ ауыл. Бірлігі берік, ынтымағы жарасып  еңбегі мен елдігі өзгеге өнеге болған өресі биік, өрісі кең ауыл. Соның айғағы – тәрбие атты тұмадан тамыры суарылған бәйтерек ауылдың саясында өткен осынау дүбірлі той-деген Тілекқабыл Қабесұлы форум қатысушылары мен ауыл қонақтарына ризашылығын білдіріп, алдағы уақытта да ауыл азаматтарының басын қосқан осындай жиындар өткізіп тұратынын айтты. Әсем ән төгіліп, әдемі би биленген кеш барысында келген қонақтар да сөз алып, осындай форум өткізіп жатырған ауыл әкімдігіне ризашылықтарын білдірді.