рисунок

Конференция жұмысына аудан әкімі Асхат Шахаров, аудандық мәслихат депутаттары, мекеме басшылары, үкіметтік емес ұйым мүшелері мен ауылдық округ әкімдері қатысты.

— Партия жұмысын жандандыру, партия қатарын саналы да білімді ел сыйлайтын адамдармен толықтыру мақсатында 2017 жылы партия қатарына – 345, үстіміздегі жылы 139 адам қабылданды. Қазіргі таңда ауданда 3047 партия мүшесі бар. Олардың 101-і түрлі себептермен партиядан шығарылды. Бір адам қылмыстық жауапкершілікке тартылуына байланысты партия қатарынан шығарылды,-деді партия филиалы төрағасының бірінші орынбасары Тілекбай Төлепқалиев. «Нұр Отан» партиясы аудандық филиалының атқарған жұмыстарын саралаған Тілекбай Қажмұратұлының айтуынша, ағымдағы жылы 216 азамат қоғамдық қабылдауда болған. 177 өтініш оң шешімін тапса, 39 өтінішке заңнамаларға сәйкес түсіндіру жұмыстары жүргізілген. — 2017 жылғы мүшелік жарна жоспары жалпы 100%-ға орындалғанымен, кейбір бастауыш партия ұймдарының өткен жылғы берешегі әлі өтелмеген. Биылғы жылдың 9 айдағы қорытындысында мүшелік жарна 95%-ға орындалып 5718875 теңгені құрады. Жылдық жоспар 8017099 теңге. Жыл соңына дейін 2,3 млн. теңге орындауымыз қажет, — Тілекбай Төлепқалиев. Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арналған Жолдауы мен Елбасының 7-20-25 «Бес әлеуметтік бастама» бағдарламасын халыққа түсіндіру мен өзге де атқарылған жұмыстарға тоқталды. Конференция барысында «Нұр Отан» партиясы Зеленов аудандық филиалы Саяси кеңесінің құрамы, «Нұр Отан» партиясы Батыс Қазақстан облыстық филиалының кезекті XХІІ есеп беру-сайлау конференциясына делегаттар сайланды. Сонымен қатар Елбасы Н.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын жүзеге асырудағы аудандық партия ұйымының міндеттері нақтыланды. Жиын соңында партия жұмысын жандандыруға қосқан үлесі үшін бірқатар мүшелер алғыс хаттармен марапатталды.

рисунок

рисунок

рисунок

рисунок

рисунок

рисунок